ERP كورتكراوه‌ی Enterprise Resource Planning ه به واتای پلاندانان بۆ سه‌رچاوه و پێكهاته‌كانی ناو دامه‌زراوه‌كان (كۆمپانیا و ڕێكخراوه‌كان).
كه‌وا پێكدێت له چه‌ندین سیسته‌می به‌یه‌كه‌وه گرێدراو، كه‌وا به‌یه‌كه‌وه كار ده‌كه‌ن بۆ به‌ڕێوه‌بردنی سه‌رچاوه ده‌ره‌كی و ناوه‌كیه‌كانی دامه‌زراوه‌كان، به‌تایبه‌تی دامه‌زراوه گه‌وره‌كان.
زۆرێك له كۆمپانیا و دام و ده‌زگاكان كێشه‌یان ده‌بێت له به‌ڕێوه‌بردنی سه‌رچاوه‌كانیان به‌تایبه‌ت سه‌رچاوه مرۆیه‌كان و ڕێكخستنی كات و كاری فه‌رمانبه‌ره‌كانیان جگه له كێشه‌ی زانینی بڕ و جۆری به‌رهه‌می كۆمپانیاكه‌یان و ئاستی گشتی كۆمپانیا و بارودۆخی ئێستایان، ئه‌مه سه‌ره‌ڕای كێشه‌ی گه‌وره‌ی ژمێریاری و ڕێكخستنی داهات و به‌راورد كردنی له‌گه‌ڵ خه‌رجیه‌كانیان.
هه‌موو ئه‌م كێشانه‌ی كۆمپانیا و دام و ده‌زگاكان له ڕێگه‌ی ERP system چاره‌سه‌ر ده‌بێت.
جگه له‌مانه ERP System زانیاری ته‌واوت له‌سه‌ر كڕیاره‌كانت پێ ده‌ڵێت و یارمه‌تیت ده‌دات له بڕیاردان كه‌وا له‌گه‌ڵ كامه كڕیار زیاتر مامه‌ڵه بكه‌یت یاخود كامه كڕیار چاوه‌ڕوانی بازرگانی گه‌وره‌تری لێ ده‌كرێت.
هه‌موو ئه‌م زانیاریانه له ERP System بۆ به‌ڕێوه‌به‌ر و خاوه‌ن كاره‌كان به ئاسانی به‌رده‌سته و ده‌توانن ڕۆژانه له‌ڕێگه‌ی مۆبایله‌كانیانه‌وه چاودێری بكه‌ن.
هه‌ر كۆمپانیا و دامو ده‌زگا یاخود ڕێكخراوێك ده‌كرێت ببێته خاوه‌نی ئه‌م سیسته‌مه و له ڕێگایه‌وه ئه‌م كار ئاسا نیانه‌ی بۆ ده‌كرێت:
١-هه‌موو داتا و زانیاریه‌كانی له یه‌ك شوێن كۆ ده‌كرێته‌ه‌وه و دووباره نابێته‌وه.
٢-هاتن و ڕۆیشتن و پشووی فه‌رمانبه‌ره‌كانت له ژێر كۆنترۆڵ ده‌بێت و ده‌بیته خاوه‌نی سیسته‌می موچه.
٣-له ڕێگه‌ی ERP System و به پشت به‌ستن پێی ده‌توانیت پلانی ماركێتینگ دابنێرێت.
٤-به‌ده‌ستهێنانی زۆرترین ڕیپۆرت له‌سه‌ر كار و دام و ده‌زگاكه‌ن له كه‌مترین كاتدا و چاودێری كردنی ڕادده‌ی به‌ره‌وپێشچوونی كۆمپانیاكه‌ت.